أجب علي هذه الاسئلة بعد مشاهدة إنتخابات اتحاد الكرة
-ليه كل هذه الطعون والإستشكالات والحملات الإعلانية في الفضائيات وزيارات لجميع محافظات مصر طالما أن الجميع مصمم علي كونه عملا تطوعيا غير هادف للربح؟
-حازم الهواري يصرح بعد فوزه في الإنتخابات أن ليس متطوعا فقط،ولكنه يصرف من جيبه الخاص،طب ليه ما يوفرش فلوسه وليه يسجل نفسه كلاعب كرة قدم في نادي جولدي..هو العمل التطوعي حلو اوي كده
-ليه رئيس نادي دكرنس طالع يقول بمنتهي الحماس والدموع تكاد تذرف من عينيه أن فريقه ُيعامل معاملة الأهلي والزمالك في عهد المجلس الحالي؟..يجعله زاهر
-ليه ثقافة الموالد منتشرة في كل شيء في مصر..حد يفهمني مين البشر اللي شفناهم جوه الاتحاد وعمالين يهتفوا بإسم زاهر لدرجة أنهم وضعوا صورته علي علم مصر بدلا من النسر؟
-ايه اللي جاب الخواجة كبير مشجعي النادي الزمالك في الإنتخابات ودخل هناك بصفته ايه..ومين المدعو بالمطرب حسن فهمي اللي ناطط في كل مكان زي الباراشوت؟
-هل يعلم الإعلام الرياضي في مصر ان غدا تنطلق بطولة شرم الشيخ الدولية الثانية للجودو بمشاركة 200 لاعب ولاعبة ليس من ضمنهم بطل مصر وصاحب ميداليتها الوحدية في الاولمبياد هشام مصباح بسبب عدم وجود مدرب له وتجاهله في المكافأت عقب نهاية الدورة؟..أين أنتي يا حمرة الخجل؟
-ليه كل الاتحادات الرياضية المصريه فيها صراعات وقضايا في المحاكم واتهامات متبادلة بالفساد..هو العمل التطوعي حلو اوي كده؟
-لكل من قرا هذا المقال،محدش فيكوا نفسه يتطوع في يوم من الايام؟
Subscribe to:
Post Comments (Atom)
No comments:
Post a Comment